Вьетнам Экспресс сонинд 23-ны өдөр мэдээлснээр, Вьетнамын үл хөдлөх хөрөнгийн борлуулалт болон орон сууц түрээсийн эргэлт энэ оны эхний хагаст огцом буурсан байна.

Шинэ титэм уушгины хатгалгааны тархалт дэлхийн үл хөдлөх хөрөнгийн салбарын гүйцэтгэлд нөлөөлсөн гэж мэдээлж байна. Вьетнамын үл хөдлөх хөрөнгийн үйлчилгээний компани болох Cushman & Wakefield-ийн тайланд дурдсанаар, энэ оны эхний хагаст Вьетнамын томоохон хотуудад үл хөдлөх хөрөнгийн борлуулалт 40%-60%, орон сууцны түрээс 40%-иар буурсан байна.

Тус компанийн гүйцэтгэх захирал Алекс Крэйн “Шинээр нээгдсэн үл хөдлөх хөрөнгийн төслүүдийн тоо өнгөрсөн оны мөн үетэй харьцуулахад мэдэгдэхүйц буурсан бөгөөд Ханой 30%-иар, Хо Ши Мин хотод 60%-иар буурсан байна. Эдийн засгийн хүндрэлтэй үед худалдан авагчид худалдан авах шийдвэр гаргахдаа илүү болгоомжтой ханддаг” гэж хэлэв. Хэдийгээр хөгжүүлэгчид хүүгүй зээл олгох эсвэл төлбөрийн хугацааг сунгах зэрэг хөнгөлөлттэй бодлогыг санал болгодог ч үл хөдлөх хөрөнгийн борлуулалт нэмэгдээгүй байна.

Вьетнамын зах зээл дээрх шинэ орон сууцны нийлүүлэлт эхний зургаан сарын хугацаанд 52%-иар, үл хөдлөх хөрөнгийн борлуулалт 55%-иар буурсан нь сүүлийн таван жилийн хамгийн доод түвшин болохыг өндөр зэрэглэлийн үл хөдлөх хөрөнгийн хөгжүүлэгч батлав.

Үүнээс гадна, Real Capital Analytics-ийн мэдээллээс харахад 10 сая гаруй ам.долларын хөрөнгө оруулалтын хэмжээ бүхий үл хөдлөх хөрөнгийн хөрөнгө оруулалтын төслүүд энэ онд 75 гаруй хувиар буурч, 2019 оны 655 сая ам.доллараас 183 сая ам.доллар болжээ.