La plano pri infrastruktura kunlaboro estas unu el la duflankaj interkonsentoj subskribitaj de ĉinaj gvidantoj dum ilia ŝtata vizito al Filipinoj ĉi-monate.

La plano enhavas gvidliniojn por infrastrukturkunlaboro inter Manilo kaj Pekino dum la venonta jardeko, kies kopio estis publikigita al la amaskomunikiloj merkrede, laŭ la raporto.

Laŭ la plano pri infrastruktura kunlaboro, Filipinoj kaj Ĉinio identigos kunlaborajn areojn kaj projektojn bazitajn sur strategiaj avantaĝoj, kreskopotencialo kaj pelaj efikoj, laŭ la raporto. La ŝlosilaj areoj de kunlaboro estas transportado, agrikulturo, irigacio, fiŝkaptado kaj haveno, elektro, akvoresursa administrado kaj informa kaj komunikada teknologio.

Estas raportite, ke Ĉinio kaj Filipinoj aktive esploros novajn financajn metodojn, utiligos la avantaĝojn de la du financaj merkatoj, kaj establos efikajn financajn rimedojn por infrastruktura kunlaboro per merkatbazitaj financaj metodoj.

La du landoj ankaŭ subskribis memorandon de interkompreno pri kunlaboro rilate al la iniciato "Unu Zono kaj Unu Vojo", laŭ la raporto. Laŭ la memorando, la areoj de kunlaboro inter la du landoj estas politika dialogo kaj komunikado, infrastruktura disvolviĝo kaj konektebleco, komerco kaj investado, financa kunlaboro kaj sociaj kaj kulturaj interŝanĝoj.