Дэд бүтцийн хамтын ажиллагааны төлөвлөгөө нь Хятадын удирдагчдын энэ сард Филиппинд хийсэн төрийн айлчлалын үеэр гарын үсэг зурсан хоёр талын хэлэлцээрүүдийн нэг юм.

Уг төлөвлөгөөнд Манила болон Бээжингийн ойрын арван жилийн дэд бүтцийн хамтын ажиллагааны удирдамж багтсан бөгөөд үүний хуулбарыг лхагва гарагт хэвлэл мэдээллийн хэрэгслээр нийтэлсэн гэж тайланд дурджээ.

Дэд бүтцийн хамтын ажиллагааны төлөвлөгөөний дагуу Филиппин, Хятад хоёр стратегийн давуу тал, өсөлтийн боломж, хөдөлгөх үр нөлөөг харгалзан хамтын ажиллагааны чиглэл, төслийг тодорхойлох болно гэж тайланд тэмдэглэжээ.Хамтын ажиллагааны гол салбар бол зам тээвэр, хөдөө аж ахуй, усжуулалт, загасны аж ахуй болон боомт, цахилгаан эрчим хүч, усны нөөцийн менежмент, мэдээлэл харилцаа холбооны технологи юм.

Хятад Филиппин хоёр орон санхүүгийн шинэ арга хэлбэрийг идэвхтэй судалж, хоёр орны санхүүгийн зах зээлийн давуу талыг ашиглан, дэд бүтцийн хамтын ажиллагааг зах зээлд суурилсан санхүүжилтийн аргаар үр дүнтэй санхүүжүүлэх арга хэрэгслийг бий болгоно гэж мэдээлэв.

Мөн хоёр улс "Нэг бүс нэг зам" санаачилгын хүрээнд хамтран ажиллах санамж бичигт гарын үсэг зурсан. Санамж бичигт дурдсанаар, хоёр орны хамтын ажиллагааны салбар бол бодлогын яриа хэлцэл, харилцаа холбоо, дэд бүтцийн хөгжил ба холболт, худалдаа, хөрөнгө оруулалт, санхүүгийн хамтын ажиллагаа, нийгэм, соёлын солилцоо зэрэг юм.